Hasfjord siglir ikki hesa vikuna

Hasfjord siglir ikki í hesari vikuni, sambært Strandferðsluni.

Týsdagin í síðstu viku fekk skipið eitt traktordekk um skrúvuna á veg inn í havnina í Skopun. 

Tað eydnast manningini saman við kavara at fáa loyst dekkið av skrúvuni.

Men brek kom á girið og koblingina. 

Hasfjord bleiv sleipaður til Mest í Havn, har hann væntandi verður tikin upp í dag.

Órudd í sjónum er eisini orsøkin til, at Erla Kongsdóttir liggur við breki, sambært Strandferðsluni.