![](https://www.uf.fo/sites/default/files/styles/myndasavn-width/public/20220422-080635-l-5259x3439ma.jpg?itok=mcaZP0Ep)
- Tíðindi, mentan og ítróttur
Poddvarp: "Ein granni ger innrás"
![](https://kvf.fo/sites/default/files/styles/grein-ovasta-mynd/public/ein_granni_gerinnras_3.png?itok=0Hhf54pA)
Søguliga hava Russland og Ukraina altíð verið tætt knýtt. Tað er søgan um einaveldiga stórabeiggjan og rebelska lítlabeiggjan, sum sjálvur vil ráða fyri borgum.
Stríðið millum brøðurnar báðar kulmineraði við russisku innrásini í Ukraina 24. februar í ár. Og í løtuni berjast ukrainar sum úlvar fyri at verja sítt frælsi og sín samleika móti stóru russisku bjørnini.
Afturum søguna
"Ein granni ger innrás" er poddvarp/sendirøð í fýra pørtum, sum Arnfríð Joensen Dahl hevur lagt til rættis, har hugt verður nærri at sambandinum millum grannarnar Russland og Ukraina.
"Hvønn dag hoyra vit tíðindi frá ræðuleikunum í Ukraina. Men hví er tað kríggj í Ukraina? Og hví hevur Ukraina so stóran týdning fyri Russland? Vit royna at koma við einum svari í hesi sendirøðini. Og fyri at svara, so mugu vit fyrst og fremst vita meira um tað langa søguliga sambandið millum Ukraina og Russland," sigur Arnfríð Joensen Dahl um poddvarpið/sendirøðina.
Í morgin til fríggjadagin
"Ein granni ger innrás" verður at hoyra í úvarpinum eftir Breddan frá í morgin og til og við fríggjadagin.
Poddvarpið verður eisini at hoyra her á heimasíðu okkara, kvf.fo.
"Ein granni ger innrás" (1/4)
í útvarpinum eftir Breddan
frá í morgin og til og við fríggjadagin
kl. 10.20 & kl. 19.00