Almannaverkið bíðar eftir handverkarum

Tað dregur út at umvæla og útbyggja gamla bygningin hjá HF-skúlanum í Klaksvík, m.a. til endur- og viðlíkahaldsvenjing og økisdeildina hjá Almannaverkinum, og Elsbeth Mercedis Gunnleygsdóttir, løgtingskvinna, hevur spurt landsstýrismannin í almannamálum, hvussu gongst við verkætlanini.

Sólvit Nolsø sigur, at ætlanin var at flyta í hølini móti sumri, men Almannaverkið hevur fingið at vita frá útleigaranum, at umbyggingin er seinkað, tí bíðað verður eftir handverkarum.

Hølini verða tessvegna tikin í nýtslu nakrar mánaðir seinni enn ætlað, sigur landsstýrismaðurin í svarinum.