Svenska stjórnin hórar undan

Svenska stjórnin hórar undan
Misálitisuppskotið á Morgan Johansson, løgmálaráðharra, fall
Uppskotið um misálit á Morgan Johansson, løgmálaráðharra, í miðjuni, fall, og tí verður stjórnin sitandi.
Mynd: Ritzau Scanpix  
 
07.06.2022 - 13:42

Svenska stjórnin verður sitandi.

Tað er greitt, eftir at misálitisuppskotið, sum Svøríkisdemokratarnir høvdu sett fram móti løgmálaráðharranum, fall.

Men tað var um reppið, at uppskotið um misálit á Morgan Johansson, løgmálaráðharra, var samtykt.

Av 350 tinglimunum í svenska ríkisdegnum atkvøddu 174 fyri misálitinum, 97 ímóti, og 70 atkvøddu blankt.

Átta ríkisdagslimir vóru ikki í ríkisdegnum, tá atkvøtt var.

 

Ein atkvøða vantaði

Tað vantaði tískil bara ein atkvøða í fyri at fáa meiriluta fyri at samtykkja misálitið á løgmálaráðharran.

Magdalena Andersson, forsætisráðharri, hevði frammanundan ávarað ríkisdagin um, at var misálitið samtykt, var tað eisini eitt misálit á alla stjórnina.

Hon ákærdi eisini anstøðuna fyri at misbrúka skipanina við misáliti.

Nakrir av anstøðuflokkunum vilja vera við, at løgmálaráðharrin hevur logið og ikki umsitið kriminaløkið nóg væl, serliga við atliti at bandakriminaliteti

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486