Javnari inntøkubýti í Føroyum enn í hinum norðurlondunum

Gini-talið í Føroyum var 21,1 í 2020. Og tað er minni enn árið fyri, tá ið gini-talið var 22.

Tað skrivar Hagstovan.

Gini-talið lýsir ójavnan í inntøkubýtinum.

Lægri gini-talið er, javnari er inntøkan í landinum.

Gini-talið vísir, at minni munur er millum stóru og smærru inntøkurnar í Føroyum enn í øðrum norðurlondum.

Av norðurlondunum er minsti javnin í inntøkubýtinum í Grønlandi.

Síðani koma Áland, Danmark og Svøríki.

Í Íslandi og Føroyum er inntøkubýtið heldur javnari enn í hinum norðurlondunum.