Danmark og Ísland samstarva um eftirlit

Danmark og Ísland fara nú at samstarva um eftirlit.

Danski verjumálaráðharrin, Morten Bødskov, hevur í dag skrivað undir sáttmála við íslendska uttanríkisráðharran,  Thordis Kolbrún Reykfjörd Gylfadóttir, um at londini skulu býta um eftirlitsdátur.

Tað upplýsir danska verjumálaráðið í tíðindaskrivi.

Avtalan hevur stóran týdning fyri eftirlitið við Arktis. 

Samstarvsavtalan vísir, sambært Morten Bødskov, at norðurlond og lond í norðuratlantshavi taka felags ábyrgd.

- Vit eru í einari heilt serstakari støðu, nú kríggj er í Evropa, og trygdin í Evropa er hótt. Eftirlitið við Arktis er ein týðandi partur av virkseminum hjá donsku verjuni, og avtalan styrkir okkara støðu, sigur Morten Bødskov.