Tosa er tagnað

Tosa gevst nú við sínum virksemi.

Telefelagið hevur selt telefon- og internethald í hálvtannað ár, síðani desember 2020.

Orsøkin er vantandi íløgur, sigur telefelagið, sum nú er farið undir trotabúðarviðgerð. Í 2020 var undirskotið 1,1 millión krónur. Eginognin var 565 túsund krónur.

Birita Sandberg Samuelsen, advokatur, er sett sum fyribils bústjóri.

Skifta til annan veitara

Tosa hjálpir sínum kundum at skifta til annan televeitara.

Allir kundar fáa beinleiðis boð og vegleiðing um, hvussu teir kunnu varðveita sítt telefonnummar.

Tosa hevur hildið til í Hugskotinum á Vestaru Bryggju í Havn.

Tummas við Skipá hevur verið stjóri í Tosa.