Stríðast fyri hjálp til Marius

Leygardagin fekk Durita Kastalag boð frá Almannaverkinum um at frítíðartilboðið til 13 ára gamla sonin Marius verður skert næstu vikurnar. Starvsfólk á stovninum eru sjúkraskrivað, og eingin er at seta í teirra stað.

Marius hevur bæði autismu og menningartarn, og sambært mammu hansara hevur hann tørv á strukturi og tryggum kørmum. Frítíðarskúlin hjá Mariusi er í einum stovni hjá Almannaverkinum, sum heldur til í einum sethúsum í Ovarugøtu 46 í Hoyvik

Durita Kastalag eftirlýsir eitt heildartilboð, sum knýtir skúla og frítíðartilboð saman og tryggjar Mariusi tryggleika í gerandisdegnum.

Tóra við Keldu, forkvinna í MEGD, vitjaði í sjónvarpsstovuni.