46 fólk funnin deyð í lastbili í Texas

Lastbilurin stóð í vegøkslini, og bilførarin var rýmdur.

CBS News skrivar, at keldur innan løgregluna upplýsa, at 16 fólk eru flutt á sjúkrahús. Talan er um 12 vaksin og fýra børn. 

Hvørki vatn ella luftútsúgving var í lastrúminum, sigur tíðindastovan Ksat.com.

Fyribils er ikki greitt, hvørji fólkini eru.

Trý fólk eru handtikin, og FBI kannar málið.

Løgreglan fekk fráboðanina í gjárkvøldið frá einum, sum arbeiddi nærindis, og sum hoyrdi neyðarróp úr lastarrúminum.

Fleiri slíkir tilburðir hava verið, har menniskjasmuglarar flyta flóttafólk og migrantar í lastarrúminum, har ov lítið at súrevni er, og at fólk á tann hátt verða kvald.