Stóru feløgini í uppsjóvarvinnuni fjórðingsmilliard í vinningsbýti

Avlopið hjá teimum báðum stóru feløgunum í uppsjóvarvinnuni nærkaðist fjórðingsmilliardini í 2021.

P/f Varðin og P/f Palli hjá Mariannu høvdu tilsamans 243 milliónir krónur í avlopi í fjør, skrivar Norðlýsið.

Samstundis vóru úrslitini hjá stóru framleiðsluvirkjunum á landi eisini sera góð í fjør.

Yvirskotið hjá Pelagos í Fuglafirði var 97 milliónir fyri skatt í fjør, og yvirskotið hjá Varðanum Pelagic var 84 milliónir fyri skatt.

Hinvegin var ársúrslitið hjá triðja pelagiska virkinum í Føroyum, P.P. Faroe Pelagic, 12 milliónir krónur í halli í 2021.