Team Rynkeby byrjar ferðina

Súkklararnir hjá Team Rynkeby Føroyar sleppa nú aftur at súkkla langa teinin úr Føroyum til franska høvuðsstaðin.

Eingin túrur hevur verið síðani 2019, áðrenn korona kom, men nú sleppa føroysku súkklararnir aftur avstað til París.

Túrurin í ár byrjar í Klaksvík í morgun, og ferðalagið fer við Norrönu til Danmarkar í kvøld.

Súkkluferðin byrjar av álvara leygardagin, og súkklararnir skulu á ferðini súkkla gjøgnum Danmark, Týskland, Holland, Belgia og Frakland.

Ferðin endar eftir ætlan í franska høvuðsstaðnum, París, leygardagin 16. juli, og tá hava tey súkklað tilsamans 1.377 kilometrar.

48 súkklarar og 12 hjálparfólk eru við í ferðalagnum, sigur Team Rynkeby Føroyar á Facebook.

Skráin fyri túrin hósdagin er hendan:

Kl. 10:30: Móttøka í Helnabrekku í Klaksvík
Kl. 11:20: Klaksvíkar sjúkrahús
Kl. 12:15: Býráðshúsið í Norðragøtu
Kl. 13:15: Undirhúsið á Toftum
Kl. 14:00: Betri í Saltangará
Kl. 14:35: Bakkafrost á Glyvrum
Kl. 16:05: Margáir í Streymnesi
Kl. 18:35: Perlutorgið við Reinsaríið í Havn