20.000 starvsfólk hjá Lufthansa í verkfall

Umleið 20.000 starvsfólk hjá flogfelagnum Lufthansa fara mikudagin í verkfall, tí tey vilja hava meira í løn.

Tað upplýsir fakfelagið hjá starvsfólkunum, sambært Ritzau.

Tað eru fyrst og fremst fólk, ið ikki starvast umborð á flogførunum, eitt nú teknikarar og starvsfólk á skrivstovum, sum fara í verkfall.

Fakfelagið arbeiðir fyri, at starvsfólkini fáa 9,5 prosent meira í lønarposan, men Lufthansa vísir tí kravinum frá sær.

Verkfallið byrjar mikumorgunin, og varir í eitt samdøgur. Samráðingarnar halda fram 3. og 4. august.