Gera nú veg til Fámjinsbergholið

Farið er nú undir at gera vegin til bergholið til Fámjins.

Byrjað er Ørðavíkarmegin.

Væntandi verður fyrsta skotið til bergholið í heyst. Bergholið verður liðugt um tvey ár, miðskeiðis í 2024.

Bergholið verður 1.200 metrar.

J&K Petersen ger bergholið og vegirnar í sambandi við tað. Byggifelagið skal gera bergholið fyri 150 milliónir krónur.

Men øll verkætlanin er mett at kosta 207 milliónir, sum løgtingið hevur játtað.