VIDEO: Tivoliøkið er aftur í miðbýnum

VIDEO: Tivoliøkið er aftur í miðbýnum
Tórshavnar ítróttarráð hevur valt at flyta tivoliøkið av Skálatrøð og inn í sjálvan miðbýin, sum tað plagdi at vera í gomlum døgum, fyri at savna fólk aftur
Bjarni Árting Rubeksen
Tivoliøkið á ólavsøku, ið hevur verið savnað á Skálatrøð í nógv ár, verður nú flutt inn aftur í miðbýin
27.07.2022 - 13:54

Fólk, ið eru komin eitt sindur til árs, minnast óivað, at tombolabásarnir, fiskibrunnarnir og skjótiteltini vóru partur av miðbýnum í Havn á ólavsøku. 

Seinni árini hevur alt tivoliøkið tó verið savnað á Skálatrøð. 

Hetta hevur gjørt, at barnafamiljur ofta ikki hava verið at sæð í miðbýnum á sama hátt sum fyrr. 

 

Aftur til gamla leistin

Tað vil Tórshavnar ítróttarráð nú broyta, tí farið verður aftur á gamla leistin við at hava tivoliøkið í sjálvum miðbýnum. 

Í videobrotinum greiðir Harald Joensen, formaður í Tórshavnar ítróttarráð, frá, at hoppiborgirnar hjá Tórshavnar ítróttarráði vera í garðinum hjá Finsen, sum er gamli Kommunuskúlagarðurin. 

So vera básar og telt við øllum tí, sum hoyrir til eitt tivoliøki, so frá Auto og oman eftir gongugøtuni. 

"Málið er at savna fólk aftur í miðbýnum," sígur Harald Joensen millum annað í samrøðu við Alisu Stephansdóttir Myllhamar Mølvig. 

Alt yvirskotið av tivolinum hjá Tórshavnar ítróttarráði í miðbýunum fer óskert til ítróttin í Tórshavnar kommunu, og øll, sum manna básarnar, skjótiteltini og annað, eru sjálvboðin. 

 

 

 

 
Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442
Sunnudag 15. november
Eitt dýpi av dýrari tíð 2:2
216214