Trý frystilínuskip undir Føroyum

Øll ísfiskalínuskipini liggja, men væntandi fer okkurt línuskip til fiskiskap í næstum, sigur Fiskamarknaðurin um útlitini næstu vikuna. 

Trý frystilínuskip royna undir Føroyum, og eitt fiskar í altjóða sjógvi.

Ein djúpvatnstrolari fiskar svartkalva í bretskum sjógvi, og hann fer væntandi at landa í vikuni. 

Fýra partrolarapør eru til fiskiskap, og tey flestu landa í vikuni. Trý pør fiska upsa, men fáa eisini nakað av hvítum fiski.

Eitt par fiskar svartkalva.

Um útróðurin sigur Fiskamarknaðurin, at streymurin harðnar, sum tað líður á vikuna, og tí kunnu vit ikki vænta nógvan útróður. 

Fiskiskapurin hjá útróðrarbátunum er smáligur.