Hava stikað skriðuna inni

Umhvørvi

Ein skriða, sum leyp í Kalsoynni um aldarskiftið, er partur av verkætlan, sum Plantudeildin á Tjóðsavninum stendur fyri

Skriðan Uppi í Dalinum í Kalsoynni leyp aldarskiftið. Nú er hon stikað inni.

Mynd: Blankskálagarður á Facebook.

Jógvan Andrias Skeel Nolsøe

08.08.2022 - 12:20

Skriðan Uppi í Dalinum í Kalsoynni, sum leyp um aldarskiftið, er nú stikað inni.

Arbeiðið er partur av verkætlanini "Lendisbati," sum Plantudeildin á Tjóðsavninum stendur fyri.

Í stuttum er endamálið at endurbøta lendi og læra meira um náttúruna, sigur Kolbrún í Haraldsstovu, sum er leiðari á Plantudeildini:

1542499

Kolbrún í Haraldsstovu

Kolbrún í Haraldsstovu er leiðari á Plantudeildini á Tjóðsavninum.

Norðurlendska Ráðharrarráðið hevur játtað 800.000 krónur, og ein danskur grunnur hevur játtað 450.000 krónur til tvær verkætlanir, sum hava við lendisbata at gera, og hvussu náttúran hevði verið, um til dømis seyður ikki sleppur framat.

Báðar verkætlanirnar eru í Kalsoynni.

Skriðan Uppi í Dalinum bleiv hegnað inni í síðstu viku, og Tjóðsavnið samstarvar millum annað við bóndan á Blankskálagarði, sum eigur lendið, og Miðnámsskúlan í Vestmanna um nýggju verkætlanina:

1542507