Noreg ætlar at brúka færri oljupengar

Norski fíggjarmálaráðharrin, Trygve Slagsvold Vedum, ætlar at brúka færri oljupengar í fíggjarlógini fyri næsta ár, hóast roynt verður at steðga inflatiónini.

Hetta síðsta árið eru prísirnir í Noregi hækkaðir 6,8 prosent, og tað hevur lagt trýst á búskapin.

- Vit kunnu kynda undir eina kreppu, um vit bara koyra meira pengar í búskapin, sigur hann við Aftenposten.

- Gera vit tað nú, verður úrslitið bara, at tey við lágum og miðalinntøkum verða ótryggari, sigur hann.

Norski fíggjarmálaráðharrin ásannar, at tað fyrr hevur borið til at loyst kreppur við at gloppa lokinum á millardstóra norska oljugrunninum, men at nú krevjast onnur tiltøk.

Í norska oljugrunninum eru nú yvir 12.300 millardir krónur, ella meira enn tvær milliónir krónur fyri hvønn íbúgva í landinum.