Fýra ára útbúgving gevur sveinabræv í aling

Fýra ára útbúgving gevur sveinabræv í aling
Ein yrkisútbúgving í aling á sjógvi og landi er á veg
Kunngerð er komin um yrkisútbúgving í aling.
 
21.08.2022 - 12:42

Ein yrkisútbúgving í aling á sjógvi og landi er á veg.

Kunngerðin um hana er lýst og er komin í gildi.   

Útbúgvingin verður skipað við skúlaundirvísing og upplæring á góðkendum læruplássi.

Endamálið er at geva lærlinginum yvirskipaðar førleikar, sum eru at arbeiða yrkisliga við aling á sjógvi og landi og at arbeiða í alibrúki á sjónum, umframt alistøðum og smoltstøðum á landi.

Endamálið er eisini geva fólki førleikar, so tey kunnu fara undir framtíðar yrki í alivinnuni og
framhaldandi útbúgving, menna tey og hjálpa teimum at fáa samfelagsliga fatan.

Fýra ár og sveinabræv

Útbúgvingartíðin er fýra ár, sum eru býtt millum skúla og lærupláss.

Fimm almennar lærugreinir eru, evnafrøði, lívfrøði, enskt, støddfrøði og føroyskt.

Tvær almennar vallærugreinar eru, og 1050 tímar í yrkislærugreinum um aling.

Útbúgvingin gevur sveinabræv.

Kunngerðin, sum nú er komin, kemur í staðin fyri kunngerðina frá 2005 um yrkisútbúgving í fiskavirking
og aling.
 

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435