Heildarveitingin til Grønlands fer upp um fýra milliardir

Heildarveitingin úr Danmark til Grønlands fer at seta met næsta ár.

Tá fer blokkurin upp um fýra milliardir krónur, skrivar miðilin Sermitsiaq.

Hetta er meira enn tað, sum grønlendski landskassin fær í skatti.

Heildarveitingin næsta ár svarar til 72.000 krónur fyri hvørt fólk í Grønlandi, skrivar Sermitsiaq.

Til samanberingar er danski blokkstuðulin til Føroya 641,8 mió krónur, og tað svarar til umleið 12.000 kr. fyri hvørt fólk.