Høvdavirkið fer at gera mjøl og lýsi

Høvdavirkið fer í næstum undir at gera mjøl og lýsi burturúr høvdi og innvøli á svartkjafti.

Endamálið er at fáa størri part av svartkjaftinum til mannaføði, sigur Eirikur á Húsamørk, stjóri á Høvdavirkinum.

Virkið hevur turkað svartkjaft til marknaðin í Nigeria við góðum úrsliti.

Men fyri at fáa enn meir burturúr, er ætlanin at fara undir at gera mjøl og lýsi.

Útgerðin er sett upp, og í næstum byrjar arbeiðið.

Eirikur á Húsamørk heldur tað vera spell, at ikki meir fæst burtur úr svartkjaftinum.

Svartkjaftur er í ætt við tosk og er góður fiskur, sum eigur at kunna nýtast til annað enn mjøl.

Og fyri at fáa meir burtur úr svartkjaftinum er ætlanin at gera mjøl og lýsi burtur úr tí á svartkjaftinum, sum ikki verður turkað.