Mist pengarnar til bilpláss

Norðurlandahúsið hevur mist 600.000 kr., sum húsið hevur havt í sjey ár.

Síðani 2015 hava 600.000 kr. staðið í føroysku fíggjarlógini.

Tær komu í einari eykajáttanarlóg á heysti 2015.

Pengarnir skuldu brúkast til at gera 55 bilpláss við Norðurlandahúsið.

Tey eru ikki komin enn, og tær 600.000 krónurnar vóru framvegis í fíggjarlógini.

Men nú kundi vera vell, segði Uttanríkis- og Mentamálaráðið.

Parkerinngspláss við Norðurlandahúsið, bilpláss við Norðurlandahúsið

Fall burtur

Í 2021 segði landsstýrismaðurin við Landsgrannskoðanini, at Norðurlandahúsið hevði biðið um at varðveita tilsøgnina um stuðul.

Uttanríkis- og Mentamálaráðið svaraði, at tilsøgnin kundi standa við í 2021.

Men at hon fall burtur, um einki ítøkiligt hendi í 2021. Einki ítøkiligt hendi í 2021. Og pengarnir fara aftur í landskassan.

Norðurlandahúsið hevur upplýst, at tað fer at søkja um nýggja játtan, tá verkætlanin er meira ítøkilig.
  
Parkeringarviðurskiftini eru ein afturvendandi trupulleiki hjá Norðurlandahúsinum, sum bara hevur 45 bilpláss. 

Tær 600.000 kr., sum biðið var um úr landskassanum, var bara ein fjórðingur av tí, sum tey 55 nýggju bilplássini skuldu kosta.