Maria, Anna og Annika vanligastu konufólkanøvnini

Vanligastu nøvnini hjá kvinnum, sum búðu í Føroyum 1.januar í ár, vóru Maria, Anna og Annika. 

Síðani koma nøvnini Beinta, Katrin, Rannvá og Marjun. 

Jákup og Jógvan vóru vanligastu nøvn hjá monnum, skrivar Hagstovan.

Ovast á listanum síðani 2001

Maria, Anna og Annika hava verið ovast á listanum yvir nøvn hjá kvinnum øll árini síðani 2001. 

Jákup og Jógvan hava ligið sum nummar eitt og tvey øll árini síðan 2001. Dupultnøvnini eru ikki líka vanlig sum tey hava verið. 

Millum 100 tey mest vanligu konufólkanøvnini í 2021 vóru einans tvey dupultnøvn, Anna Maria og Anna Sofía. 

Hjá monnum er bara eitt dupultnavn, tað er Hans Jacob.