Danski tjóðbankin hækkar eisini rentuna

Danski tjóðbankin hevur nú eisini hækkað rentuna 0,75 prosent stig, eins og Evropeiski Miðbankin gjørdi fyrr í dag.

Tað upplýsir tjóðbankin seinnapartin.

Rentuhækkingin í Danmark kemur í gildi í morgin, 9. september.

Danski tjóðbankin leggur dent á at hava fastan kurs, og tað ber í sær, at virðið á donsku krónuni sum heild fylgir virðinum á evruni, sum ECB er miðbanki fyri. 

Tað var roknað við, at danski tjóðbankin fór at gera sum Evropeiski Miðbankin og eisini hækka rentuna samsvarandi.