Fær ikki avleiðingar fyri Putin

Ringa gongdin hjá Russlandi í landnyrðingspartinum av Ukraina fær ikki avleiðingar fyri russiska forsetan, sum støðan er nú.

Tað sigur Tór Marni Weihe, sum lesur russiskt og fylgir russiskum viðurskiftum.

Seinastu tvær vikurnar hevur ukrainski herurin rikið russiska herin aftur í stórum økjum, og hetta hevur fingið fleiri í Russlandi at seta spurnartekin við gongdina í krígnum og hernaðarleiðsluna.

Men enn er ov tíðliga at siga, at talan er um skipað rák ímóti kósini hjá sitandi forsetanum, sigur Tór Marni Weihe, eftir at 18 kommunalir leiðarar í St. Pætursborg og Moskva í gjár sendu út skriv, har teir heittu á Putin forseta um at leggja frá sær.

Tór Marni Weihe var í Breddanum fyrrapartin:

Ukraina, Russland, Putin

Frítekst tagging: 

Putin

Búskaparliga støðan í Russlandi er heldur ikki vorðin so ring, sum spátt var um, tá revsitiltøkini vóru sett í verk, hóast eitt nú inflatiónin í Russlandi nærkast 20 prosentum: