Ítróttarhøllin í Sandoy letur upp leygardagin

Skipað verður fyri hátíðarhaldi, har Bjørn Kalsø, landsstýrismaður, formliga letur sandoyingum høllina

Nýggja ítróttarhøllin stendur á økinum við Meginskúlan og fótbóltsvøllin á Sandi

07.11.2012 - 15:04

<p>Ítróttarhøllin á Sandi er liðug, og leygardagin verður skipað fyri hátíðarhaldi, tá nýbygningurin formliga verður latin sandoyingum. Bjørn Kalsø, landsstýrismaður, fer vegna byggiánaran, Mentamálaráðið, alment at lata sandoyingum høllina, sum Gerhard Lognberg, formaður í Sandoyar Skúlasambandi tekur ímóti.</p><div><br></div><div><b>27 mió. kr.</b></div><div><br></div><div>Høllin kostar 27 milliónir krónur, og landið hevur borið allan kostnaðin av byggingini. Hon stendur á økinum við Meginskúlan og fótbóltsvøllin á Sandi. Selmar Nielsen Arkitektar teknaðu høllina, og sp/f TG-verk hevur gjørt byggiarbeiðið. Landsverk hevur verið byggiharri.</div><div><br></div><div>Hátíðarhaldið leygardagin byrjar á middegi, tá høllin letur upp fyri almenninginum, og hornorkestur og ítróttafólk ganga skrúðgongu inn í høllina. Klokkan 12.30 verður høllin latin sandoyingum, og røður verða hildnar. </div><div><br></div><div>Nógv onnur tiltøk eru á skránni undir hátíðarhaldinum, sum endar klokkan 18.</div><div><br></div><div><br></div>