ES letur skrivstovu upp í Nuuk

ES fer at lata upp skrivstovu í grønlendska høvuðsstaðnum Nuuk í vár. 

Ein slík skrivstova skal vera við til at skapa størri búskaparligan vinning fyri bæði Grønland og ES, sigur umboðsstjórin fyri ES í Danmark við grønlendska kringvarpið, KNR.

Per Haugaard sigur, at Grønland longu frammanundan hevur tætt tilknýti til tey 27 ES-londini, men við nýggju skrivstovuni í Nuuk er møguleiki fyri at styrkja munandi um hetta samband.

Nær skrivstovan letur upp, er ikki greitt enn. Orsøkin er, at tað ikki hevur eydnast ES at finna hóskandi skrivstovur enn. Fýra fólk fara starvast á ES-skrivstovuni í Nuuk.