Ákæruvaldið kunnaði løgmann um sekt

Tað er ikki hent fyrr, at ákæruvaldið hevur kunnað løgmann um eitt uppskot um eina sekt. 

Heilsufrøðiliga starvsstovan heldur, at Bakkafrost skal fáa 67 mió. kr. í sekt fyri lógarbrot. Og hon avgjørdi at senda fútanum málið til støðutakan.

Ákæruvaldið kunnaði løgmann um málið í desember í fjør.

Ikki handfarið øðrvísi enn onnur mál

Hetta er ikki hent fyrr, at ákæruvaldið soleiðis hevur kunnað løgmann.

Tað sæst í svari frá Magnusi Rasmussen, landsstýrismanni, til Høgna Hoydal, løgtingsmann.

Fyrisitingarliga er hetta málið annars ikki handfarið øðrvísi enn onnur mál, har fyrisitingarligur stovnur staðfestir brot á serlóggávu, sigur landsstýrismaðurin.