- Tíðindi, mentan og ítróttur
Havnarútbygging kostaði J&K 50 mió. kr.
Havnarútbygging kostaði J&K 50 mió. kr.
Leiðsla og nevnd í byggifelagnum J&K Petersen Contractors eru umskipað. Fyribilsstjóri er Sigtór A. Petersen
Stein Olvur Petersen, sum hevur verið stjóri í J&K Petersen Contractors í 15 ár, er farin í farloyvi. Nýggjur fyribilsstjóri í byggifyritøkuni er Sigtór A. Petersen.
29.09.2022 - 10:11
Stein Olvur Petersen bað sjálvur um farloyvi úr stjórastarvinum í byggifyritøkuni J&K Petersen Contractors.
Tað sigur Christian Andreasen, nevndarformaður.
Farloyvið er ikki tíðaravmarkað. Stein Olvur Petersen var stjóri í 15 ár. Hann er eisini farin úr nevnd felagsins.
Fyribilsstjóri er Sigtór A. Petersen. Hann var framleiðslustjóri í fyritøkuni. Anna Kalsø er varastjóri. Hon er eisini menningarleiðari.
Havnarútbyggingin í Havn hevur kostað felagnum 50 mió. kr.
Fíggjarliga hevur ikki gingið væl seinasta árið hjá byggifelagnum, sum er millum tey størstu í Føroyum.
Havnarútbyggingin í Havn hevur kostað felagnum 50 mió. kr.
Stein Olvur Petersen eigur saman við mammu sínari, Ragnhild A. Petersen, 80 prosent av J&K Petersen Contractors.
Tveir nýggir limir eru komnir í nevndina, Jóannes Niclasen og Klaus Rasmussen.Teir búgva báðir í Danmark.
Hini í nevndini eru Christian Andreasen og Ragnhild A. Petersen.
Í leiðslubólkinum eru Sigtór A. Petersen, Anna Kalsø, Per Kallsberg, fíggjarleiðari, og Jákup Mørk er nýggjur roknskaparleiðari.
Er kopiera
Nýggjastu sendingar í ÚV
Nýggjastu sendingar í SV
