Kommunan í Sjóvinnuhúsið og Setrið á Frælsið

Kommunan í Sjóvinnuhúsið og Setrið á Frælsið
Tórshavnar kommuna og Mentamálaráðið gera nú makaskiftið um studentaskúlabygningin í Hoydølum og Venjingarskúlan á Frælsinum
Tórshavnar kommuna ætlar at flyta alla fyrisitingina í Sjóvinnuhúsið.
 
30.09.2022 - 08:27

Tórshavnar býráð samtykti einmælt í gjár avtaluna við Mentamálaráðið um at selja landinum tey 40 prosentini, sum Tórshavnar kommuna eigur í Venjingarskúlanum, og, at kommunan keypir gamla studentaskúlabygningin í Hoydølum.

Samstundis gerst kommunan leys av einum gávulyfti, sum Tórshavnar býráð í 1990 gav Fróðskaparsetrinum um at lata lendi, 50.000 fermetrar, til Fróðskaparsetur í Marknagili

Avtalan ruddar slóð fyri, at landið nú kann flyta Fróðskaparsetrið á Frælsið, gera kampus har.

 

Tórshavnar kommuna keypir gamla studentaskúlabygningin í Hoydølum.

 

Øll fyrisitingin í Sjóvinnuhúsið

Mentamálaráðið skal rinda Tórshavnar kommunu slakar tvær milliónir krónur, sum er munurin millum virðið á ognunum á Frælsinum og í Hoydølum.

Og Fróðskaparsetrið fær 4,2 mió. kr. í endurgjaldi fyri at flyta úr Sjóvinnuhúsinum á Frælsið í seinasta lagi við árslok 2024, nú Fróðskaparsetrið skal út haðani í ótíð.

Hetta er fyri íløgur, sum Fróðskaparsetrið hevur gjørt í Sjóvinnuhúsinum.

Tórshavnar kommuna ætlar at flyta alla sína fyrisiting í Sjóvinnuhúsið.

 

Tórshavnar kommuna selur landinum tey 40 prosentini, sum kommunan eigur í Venjingarskúlanum. 
 

Verdur 80 mió. kr.

Tann parturin av Venjingarskúlanum, sum landið og Tórshavnar kommuna eiga saman, er verdur slakar 80 mió. kr.

Tað hevur ein meklari mett í summar.

Tórshavnar kommuna eigur 40 prosent, so hennara partur er slakar 32 mió. kr. Haraftrat eigur kommunan eina lon á Frælsinum, sum er mett til 13 mió. kr.

Studentaskúlabygningurin í Hoydølum er sambært metingini 32,5 mió. kr. verdur. Lonirnar í Hoydølum eru virðismettar til 4,5 mió. kr. 

Har eru í dag dagstovnur og serskúlatilboð hjá Tórshavnar kommunu.

Lonirnar hava tíðaravmarkað loyvi frá Yvirfriðingarnevndini at standa á lendinum í Hoydølum til ársskiftið 2023/24.

Er kopiera
Nýggjastu sendingar í ÚV
Leygardag 24. mai
Jambalaja - 240525
192336
Leygardag 24. mai
Upp á tá - 230525
192325
Leygardag 24. mai
Vikan 24. mai 2025
192323
Leygardag 24. mai
Morgunlestur leygardagur 24.mai 2025
192150
Fríggjadag 23. mai
Vikuskiftið 23 mei 2025
192308
Nýggjastu sendingar í SV
Leygardag 24. mai
Grønir fingrar (1:3) - teknmálstulkað
192322
Leygardag 24. mai
Útilív 6:6 - teknmálstulkað
192321
Leygardag 24. mai
Dagur og vika - teknmálstulkað
192319
Fríggjadag 23. mai
Veðrið
192307
Fríggjadag 23. mai
Dagur og vika - teknmálstulkað
192266