Føroyar fingu torføran EM-undankappingarbólk

Góðu úrslitini í Nations League-kappingini gjørdu, at føroyska A-landsliðið við monnum var bólkað í styrkisbólki 4 av seks styrkisbólkum í lutakastinum til EM-undankappingina. 

Føroyar endaðu í bólki E og skulu spæla móti Pólland, Kekkia, Albania og Moldova. 

Talan er um ein torføran bólk ítróttarliga, men eisini um ein lítið áhugaverdan bólk fyri fótbóltsfjepparar. 

EM-undankappingini 2024

Lewandowski kemur til Føroya

Føroyskir fótbóltsfjepparar kunnu sjálvandi gleða seg til at síggja ein av heimsins bestu áleyparum, Robert Lewandowski úr Póllandi, spæla á Tórsvøllin.

Robert Lewandowski spælir í løtuni við Barcelona, har hann bumbar málini í kassan, eins og hann gjørdi fyri Bayern München og Borussia Dortmund. 

Men Lewandowski er einasta stjørnan, ið er ávegis til Føroya í hesum umfarinum. 

Fingu einki av teimum veiku

Harumframt fingu Føroyar heldur ikki ítróttarligu gleðina av at koma í ein bólk við seks liðum og harvið møta einum av teimum ordiliga veiku londunum úr veikasta styrkisbólkinum, nevniliga San Marion, Andorra og Liktinstein. 

53 lond luttaka í EM-undakappingini. Týskland, sum er vertur, er sjálvskrivað í EM-endaspælinum. 

EM-undankappingini 2024, EM-steyp

Frítekst tagging: 

EM

Fótbóltur

steyp

Bólkur A:
Spania, Skotland, Noreg, Georgia, Kýpros

Bólkur B:
Holland, Frakland, Írland, Grikkaland, Gibraltar

Bólkur C:
Italia, Ongland, Ukraina, Norðurmakedónia, Malta

Bólkur D:
Kroatia, Wales, Armenia, Turkaland, Lettland

Bólkur E:
Pólland, Kekkia, Albania, Føroyar, Moldova

Bólkur F:
Belgia, Eysturríki, Svøríki, Aserbadjan, Estland 

Bólkur G: 
Ungarn, Serbia, Montenegro, Bulgaria, Litava

Bólkur H:
Danmark, Finnland, Slovenia, Kasakstan, Norðurírland, San Marino

Bólkur I:
Sveis, Ísrael, Rumenia, Kosovo, Hvítarussland, Andorra

Bólkur J: 
Portugal, Bosnia og Hersegovina, Ísland, Luksemborg, Slovakia, Liktinstein

EM-undankappingini 2024