Hav Sund komið í flotan

Nýggjasta skipið hjá reiðarínum Navigare, Hav Sund, kom til Føroya í síðstu viku.  

Navigare hevur heimstað í Søldarfirði, og felagið eigur nú 13 skip.

Hav Sund kom úr Noregi við sandi og skervi. Fyrst fór skipið til Klaksvíkar at leggja farmin upp, og síðani var farið á Sund, har teir lastaðu gamalt jarn til Týsklands.

Tað skrivar Føroyska Sjómansmissiónin á facebook. 

Keypt tvey skip

Tað var fyrr í ár, at reiðaríðið Navigare keypti tvey skip frá Arklow Shipping í Írlandi.

Skipini eita Hav Brim og Hav Sund.

Fyrra skipið varð yvirtikið í apríl og tað seinna í juni.

Skipini eru bygd í 2008 og eru 90 metrar long og 14,4 metrar breið. Tey taka 4.650 tons.