Valsendingarnar í Kringvarpi Føroya byrja nú

Um KVF›Tíðindi

Fólkatingsvalið í Føroyum verður mánadagin 31. oktober, og í dag, hósdagin 13. oktober, byrja valsendingarnar í Kringvarpinum

Sissal Carlsdóttir á Lag

13-10-2022

Valfepurin hækkar alsamt, og valsendingarnar í Kringvarpi Føroya fara av bakkastokki í dag.

Byrjað verður við Andglettinum, sum verður sendur í útvarpinum klokkan 10, stroymdur á heimasíðuni og eisini at síggja í sjónvarpinum.

Myndir: Bjarni Árting Rubeksen

hogni_og_pressan.jpg

Tveir vertir tráspyrja tvey valevni hvørja ferð.

Fyrsti flokkur í Andglettinum er Framsókn.

framsokn_tidindafund-13.jpg

Valfundir kring landið

Umframt Andglettin, so fer Kringvarpið eisini kring landið at halda valfundir.

Aðru hvørja ferð er Andglettur, og aðru hvørja ferð valfundur.

folkafl._tidindafund-15.jpg

Valfundirnir byrja í SMS nú fríggjadagin 14. oktober. Síðani verður farið út á miðnámsskúlarnar.

Valfundirnir byrja klokkan 10 í útvarpinum, og teir verða eisini stroymdir eins og Andgletturin.

folk_a_vaglinum_og_vaelplakatir-3.jpg

Stóri valfundurin í Løkshøll

Sunnukvøldið 30. oktober, ein dag undan valinum, verður stórur valfundur í Løkshøll. Hetta er ein størri sjónvarpsframleiða, har fleiri valevni sleppa framat. Tann fundurin varar í umleið tveir tímar og verður sendur beinleiðis í sjónvarpinum.

jenis_ruth_og_hogni.jpg

Tann stóri dagurin er mánadagurin 31. oktober, valdagurin. Tá fylgja vit við í sjónvarpsstovuni, har vit hava tveir vertir og viðmerkjara. Vit fara eisini at gera innsløg kring landið. Vit halda á, til valúrslitið fyriliggur.