Vinnan er komin fyri seg eftir koronu

Vinnan er komin fyri seg eftir koronu. 

Nýggju roknskaparhagtølini vísa millum annað, at føroysk feløg sum heild eru komin uppundan aftur, eftir at korona legði summar vinnugreinar lamnar. 

Tað boðar Hagstovan frá.

Nýggju hagtølini vísa, at hóast úrslitið fyri allar vinnur minkaði úr 2,6 mia. kr. í 2019 niður 1,6 mia. kr. í 2020, so megnaði vinnan at toga úrslitið uppaftur meira enn eina milliard, upp í 2,8 mia. kr. í fjør.

Teir vinnubólkar, ið hava verið meinast raktir, eru ‘Flutnings- og goymsluvinnan’ og ‘Gisting og matstovuvinnan’, men hesir bólkarnir fingu eitt positivt úrslit í fjør, hóast tað ikki er á sama stigi sum fyri koronu.