ES-londini samd um nýggja orkuavtalu

Eftir drúgvar samráðingar út á náttina, samdust londini í ES um eina nýggja orkuavtalu, sum skal fáa prísin á orku at lækka.

Avtalan er neyðug fyri at tálma høgu prísirnar, sum bæði fyritøkur og húsarhald stríðast við.

Fleiri lond vildu, at ein hægstiprísur var ásettur, sum skuldi fáa prísirnar niður.

Ulf Kristersson í ES

Nýggi forsætisráðharrin í Svøríki, Ulf Kristersson, á ES-fundi í gjár. (Mynd: Ritzau Scanpix)

Býta gassið millum sín

Men tað hendi ikki, tí fleiri lond, m.a. Danmark, Týskland og Holland, søgdu seg vera ímóti uppskotinum, tí vandi var fyri, at lond, sum selja olju og gass, fóru at selja gassið til lond uttan fyri ES.

Í staðin samdust londini um at keypa gass í felag og at býta gassið, sum fæst til keyps, millum londini, um tað verður neyðugt.

Londini hava kortini viðmerkt, at ein strangari skipan við príslofti kann setast í verk, um støðan fer út av kós.