Bretska skuldin hækkar

Statslán hjá Bretlandi hækkaðu upp í 20 milliardir pund í september mánaði. Tað svarar til 169 milliardir krónur.

Inflatiónin er orsøkin til at skuldin hækkar, vísa almenn tøl, sum eru kunngjørd í dag.

Hetta er næststørsta skuld, sum er skrásett fyri september mánað, síðani farið var undir mátingarnar í 1997. 

Einastu ferð, at skuldin hevur verið størri, var tá koronufarsóttin var í hæddini.

Lántøkan, sum tó ikki fevnir um bankar hjá statinum, er størri, enn búskaparfrøðingar høvdu væntað. 

Metingin hjá teimum var 17 milliardir pund, - tað eru 144 milliardir krónur, - og tað er eisini munandi meira enn myndugleikarnir mettu í mars mánaði, tá ið Office for Budget Responsibility metti, at lántøkan fór at vera slakar 15 milliardir pund, skrivar NTB.