Tekur við sum forsætisráðharri í dag

Nývaldi bretski forsætisráðharrin, Rishi Sunak, tekur við embætinum í dag, tá hann hevur hitt Charles kong, skivar BBC.

Sunak var í gjár valdur til formann í Konservativa flokkinum, men greiði skal fáast á fleiri viðurskiftum, áðrenn hann kann taka við sum forsætisráðharri.

Sunak helt røðu í gjár, har hann segði seg fegnast um at kunna gerast forsætisráðharri í Bretlandi.

Búskaparligar avbjóðingar

- Eg eri rørdur og glaður fyri at hava fingið stuðul frá mínum partafólkum í parlamentinum, so eg kann gerast forsætisráðharri í Bretlandi, segði Rishi Sunak.

Í røðuni segði hann eisini, at Bretland er eitt gott land, men vit hava stórar búskaparligar avbjóðingar.

- Vit hava brúk fyri støðufesti og samanhaldi, og tað fari eg at gera til mítt fremsta mál, bæði fyri flokkin og landið.

Bara á tann hátt kunnu vit klára avbjóðingarnar, sum eru fyri framman, og byggja eitt land, sum verður gott fyri okkara eftirkomarar at búgva í, segði 42 ára gamli Sunak.