150 hava søkt um oljuískoyti

Higartil hava 150 fólk søkt um oljuískoyti frá Almannaverkinum.

Møguleiki hevur verið at søkt í eina viku.

Oljuískoyti er ein nýggj veiting, og tí var neyðugt hjá Almannaverkinum at gera nakrar dagføringar í kt-skipanini. Tær eru nú framdar, og í dag er farið undir at málsviðgera umsóknirnar. 

Almannaverkið væntar, at fyrstu oljuískoytini verða útgoldin fyrsta dagin.

Freistin at søkja um oljuískoyti er 30. november 2022.