Betri Banki hækkar eisini rentuna

Betri Banki boðar nú eisini frá, at rentur á summum kontum hækka.

Eftir at evropeiski miðbankin í farnu viku boðaði frá rentuhækking, var væntandi, at føroysku bankarnir fóru at gera tað sama. 

Fríggjadagin boðaði BankNordik frá hækkingum, og nú er tað so Betri Banki, sum kunnger sínar.

Betri Banki hækkar innlánsrenturnar við upp til 0,60 prosentstigum og útlánsrenturnar við upp til 0,50 prosentstigum. 

Broytingarnar koma í gildi 1. desembur í ár.