Fólkatalið fer upp um átta milliardir

Í dag fer fólkatalið í heiminum upp um átta milliardir fólk, vísir framskriving hjá ST.

Hóast tað kann tykjast nógv, so er tamarhald á fólkavøkstrinum, sigur Ilya Kasnitsky, professari í fólkatalsfrøði á Syddansk Universitet.

- Trupulleikin er, hvussu vit sum menniskju njóta, og hvussu vit fara við umhvørvinum, sigur hon við Ritzau.

Framskrivingin hjá ST vísir til serliga stóran fólkavøkstur í Karibia, Latínamerika og í londunum sunnan fyri Sahara.

Í arbeiðsførum aldri

Orsøkin er, sambært Ritzau, at stórur partur av fólkinum har er í arbeiðsførum aldri. Eydnast londunum at brúka tað, sum er til taks, so kunnu milliardir av fólkum gerast ríkari og brúka meir.

Í 2050 verður mett, at fólkatalið fer upp um 9,7 milliardir, og at fólkatalið í 2080 verður støðugari við umleið 10,4 milliardum fólkum.

Ortsøkin til, at fólkavøksturin ikki verður so stórur í framtíðini, er, at samstundis sum fólk fáa tað betur, fara tey eisini at fáa færri børn, vísir metingin.