Skervur og grót dýrka eisini

So at siga alt gerst dýrari nú, eisini skervur og grót hjá Landsverki.

Á nýggjárinum hækka prísirnir í grótbrotunum hjá Landsverki í Porkeri, í Hundsarabotni og á Hústoft.

Skervurin verður sjey prosent dýrari og grótið 10 til 30 prosent, tað veldst um, hvussu stórt grótið er.

Prísurin á dieseli er ein orsøk til príshækkingina, ein onnur er, at tað er vorðið dýrari at spreingja.

Eisini eru maskinur at gera skerv vorðnar nógv dýrari.