Skráseta hvussu makrelur ferðast

Merktur makrelur verður skannaður á uppsjóvarvirkjum, millum annað í Føroyum.

Upplýsingarnar, sum merkti makrelurin hevur, fer í ein altjóða dátugrunn.

Merkti makrelurin er fingin við húki á lítlum dýpi, sleptur í eitt kar og síðani máldur og merktur.

Tá hann so er fingin aftur í vanligum fiskiskapi, sigur merkið frá, tá hann fer gjøgnum móttøkuna á uppsjóvarvirkinum. 

Pelagos, makrelur

Eldri makrelur ferðast longri

Merkingarnar vera millum annað brúktar til at síggja, hvussu makrelur ferðast á Norðurleiðum um summarið.

Og nýggjastu kanningarnar, sum vóru gjørdar í summar, siga, at størsti makrelurin fer heilt vestur til Íslands og Grønlands og heilt norður móti Svalbardi eftir æti.

Um heystið fer hann aftur til Hetlands.

Makrelfiskiskapur, makrelur,

Kanningarnar siga eisini, at eldri makrelurin er, longri ferðast hann.

Størstu makrelarnir fara eisini fyrr enn teir smærri suðureftir at gýta.