Topp 10: Ruth Vang gjørdi eitt kanónval

Fyrstu ferð at Ruth Vang, forkvinna í Framsókn, bleiv vald á ting, so kom hon brakandi inn við 981 atkvøðum. 

Talan er veruliga um, at Ruth Vang hevur sett tuboina til, tí í 2011 fekk hon 98 atkvøður, í 2015 blivu tað til 169, í 2019 265, og nú í 2022 fekk hon 981 persónligar atkvøður.

Løgtingsvalið 2022, flokkarnir í Norðurlandahúsinum

Havnin kostaði Fólkaflokkinum

Eisini Beinir Johannesen, formaður í Fólkaflokkinum, gjørdi eitt kanónval við 1688 persónligum atkvøðum. 

Leingi sá út til, at Fólkaflokkurin fór at fáa sjey tingfólk, men rumblið í Havn innheitaði flokkin, tí tað var í høvuðsstaðnum, at flokkurin minsti á stokkinum og endaði á seks tingfólkum.

Løgtingsvalið 2022, flokkarnir í Norðurlandahúsinum

Aksel fyri triðu ferð

Aftur hesuferð var tað Aksel V. Johannesen, ið gjørdist toppskorarin við 1961 atkvøðum. 

Hetta er triðja løgtingsvalið á rað, at formaðurin í Javnaðarflokkinum verður toppskorari. 

Nevnivert er tað eisini, at Erhard Joensen úr Sambandsflokkinum er á topp 10 listanum. 

Løgtingsvalið 2022, flokkarnir í Norðurlandahúsinum Aksel V. Johannesen Javnaðarflokkurin

Høgni Hoydal vánaligt val

Síðani Høgni Hoydal stillaði upp til løgtingið fyrstu ferð í 1998, so hevur hann ligið oman fyri 1.000 persónligar atkvøður - inntil løgtingsvalið í ár. 

Løgtingsvalið 2022, flokkarnir í Norðurlandahúsinum Høgni Hoydal

760 persónligar atkvøður eru útvið 500 færri enn hann fekk fyri fýra árum síðani, og bert ein fleiri enn partakvinnan Bjørt Samuelsen, ið fekk 759. 

Vánaliga úrslitið hjá formanninum í Tjóðveldi er bara enn meira brenni á bálið hjá teimum sum halda, at eitt formansskifti er neyðugt í Tjóðveldi.