- Tíðindi, mentan og ítróttur
Samráðingarnar halda fram fyrrapartin
Samráðingarnar halda fram fyrrapartin
Samráðingarleiðarin væntar, at í dag verður greitt, um teir tríggir flokkarnir fara undir ítøkiligar samráðingar
Aksel V. Johannesen er samráðingarleiðari.
Mynd: Bjarni Árting Rubeksen
13.12.2022 - 09:15
Klokkan 10 halda samráðingarnar fram millum Javnaðarflokkin, Sambandsflokkin og Framsókn um at skipa samgongu.
Trý umboð fyri hvønn av teimum trimum flokkunum sótu til klokkan átta í gjárkvøldið og tosaðu yvirskipað um tey ymisku politisku málini.
Aksel V. Johannesen, formaður í Javnaðarflokkinum og samráðingarleiðari, sigur í morgun, at flokkarnir hava nøkur mál at tosa um aftrat, og so skal støða takast til, um ítøkiligar samráðingar skulu vera millum flokkarnar, har øll tingfólkini verða tikin við.
Aksel V. Johannesen væntar, at støða verður tikin í dag, um flokkarnir skulu fara undir ítøkiligar samráðingar.
Bárður á Steig Nielsen, formaður í Sambandsflokkinum. (Mynd: Bjarni Árting Rubeksen)
Ruth Vang, forkvinna í Framsókn. (Mynd: Bjarni Árting Rubeksen)
Er kopiera
Nýggjastu sendingar í ÚV
Nýggjastu sendingar í SV
