Scholz: Putin hevur einki vunnið í Ukraina

Scholz: Putin hevur einki vunnið í Ukraina
Russiski forsetin mistók seg, tá hann helt, at hann kundi oyðileggja samanhaldið í Evropa, sigur týski samveldiskanslarin
Olaf Scholz er týskur samveldiskanslari.
Mynd: Ritzau Scanpix  
 
14.12.2022 - 15:23

- Russiski forsetin hevur ikki rokkið einum einasta av sínum málum í Ukraina. 

Tað sigur týski samveldiskanslarin, Olaf Scholz.

- Einki mál er rokkið, segði Scholz í samveldistinginum í dag.

 

Putin mistók seg

Scholz sigur, at Putin mistók seg av álvara, tá ið hann helt, at Ukraina fór at falla eftir fáum døgum, og at ov nógv sundurlyndi var í Vesturheiminum til, at Ukraina kundu fáa hjálp hagani.

- Hann helt, at hann kundi oyðileggja samanhaldið í Evropa við at skrúva fyri gassinum. Hann fór eisini skeivur viðvíkjandi dirvinum hjá ukrainum, Evropa, okkum, demokratisku virðunum hjá okkum og vilja okkara til at standa ímóti stórveldisovurhuga og imperialismu, segði týski samveldiskanslarin Olaf Scholz.

 

Dmitrij Peskov er talsmaður hjá Kreml (Mynd: Ritzau Scanpix)

 

Eingin vápnahvíld

- Vit hava eingi uppskot fingið frá Ukraina um vápnahvíld á jólum og nýggjárinum.

Tað segði talsmaðurin hjá Kreml á tíðindafundi í dag. 

Hann leggur aftrat, at ongar æltanir eru um vápnahvíld.

- Nei, vit hava einki uppskot fingið um hetta, og eingi mál av slíkum slagi standa á dagskránni, sigur Dmitrij Peskov, talsmaður hjá Kreml, tá ið hann var spurdur, um Russland vil binda frið um jólahalguna.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470