Samgongan er skipað

bannari
Samgongan er skipað
So kom hvítur roykur úr løgtinginum. Aksel V. Johannesen váttar, at nýggj samgonga er skipað millum Javnarflokkin, Tjóðveldi og Framsókn
Aksel V. Johannesen váttar, at semja er um bæði samgonguskjal og málsøkjabýtið. Ein samgonga er skipað
Mynd: Bjarni Árting Rubeksen  
 
21.12.2022 - 00:17

Aksel V. Johannesen, samráðingarleiðari, váttar, at samgongusamráðingar eru lidnar, og teir tríggir flokkarnir, Javnaðarflokkurin, Tjóðveldi og Framsókn, eru samdir um bæði samgonguskjalið og málsøkjabýtið. 

Harvið er ein nýggj samgonga skipað. 

Aksel V. Johannesen vil ikki siga, um tað eru átta ella níggju landsstýrisfólk í nýggja landsstýrinum, men sum Kringvarpið skilir, so vera tað níggju. 

Alt bendir tískil á, at Javnaðarflokkurin fær løgmann og trý landsstýrisfólk, og at Framsókn fær fíggjarmál og møguliga eitt landsstýrisfólk afturat. 

Tjóðveldi fær løgtingsformannin og eftir øllum at døma trý landsstýrisfólk. 

Ruth Vang, forkvinna í Framsókn, hevur kravt at fáa eina góða umboðan í landsstýrinum, nú flokkurin hjá henni endaði við buktini og báðum endunum. 

Nú er alt, ið bendir á, at Framsókn fær tvey landsstýrisfólk, og annað er landsstýrisfólkið í fíggjarmálum. 

 

Tíðindafundur hósmorgunin

Samgonguskjalið verður tó ikki kunngjørt fyrr enn hósmorgunin, tí nú fara flokkarnir at brúka morgindagin til innanhýsis fundir, har tey millum annað skulu finna út av, hvør skal umboða flokkarnar í landsstýrinum.  

Hósmorgunin verður tíðindafundur, har samgonguskjalið og málsøkjabýtið verða kunngjørd. 

Klokkan tíggju hósmorgunin verður tingfundur, har løgtingsformaður skal veljast, og síðani skal Aksel V. Johannesen veljast til løgmann. 

Men landsstýrisfólkini verða ikki kunngjørd, fyrr enn løgmaður hevur móttøku í Tinganesi seinnapartin hósdagin. 

 

 

Er kopiera
Nýggjastu sendingar í ÚV
Fríggjadag 21. februar
Vikuskiftið 21 februar 2025
188133
Fríggjadag 21. februar
Morgunlestur fríggjadagur 21.februar 2025
186661
Hósdag 20. februar
RagnarRokk 20.februar 2025
186601
Nýggjastu sendingar í SV
Fríggjadag 21. februar
Tróndur og Kári
187878
Fríggjadag 21. februar
Dagur og vika - teknmálstulkað
188097
Fríggjadag 21. februar
Veðrið
188130
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962