Hetta eru aðalstjórarnir í landsfyrisitingini

Nú er endaliga greitt, hvørjir aðalstjórar fara at mynda aðalráðini, soleiðis sum nýggja samgongan hevur skipað tey.

Bjarni Askham Bjarnason heldur fram sum aðalstjóri í Fíggjarmálaráðnum.

Herálvur Joensen verður aðalstjóri í Uttanríkis- og Vinnumálaráðnum.

Eyðun Mohr Hansen verður aðalstjóri í Almanna- og Mentamálaráðnum.

Turið Arge heldur fram sum aðalstjóri í Heilsumálaráðnum. Og Poul Geert Hansen verður aðalstjóri í nýggja Barna- og útbúgvingarmálaráðnum.

Fyribils aðalstjórar

Trý nýggj nøvn eru eisini millum aðalstjórarnar.

Elin Mortensen er fyribilssett sum aðalstjóri í Fiskimálaráðnum. Hon er í dag sendikvinna í Brússel.

Nella Festirstein er nýggjur aðalstjóri í Lógar- og Innlendismálaráðnum. Hon er í dag deildarstjóri á lógartænastuni í Tinganesi.

Og Pól Egholm er aðalstjóri í nýggja Umhvørvismálaráðnum. Hann var áður deildarstjóri á vinnudeildini í gamla vinnumálaráðnum. 

Aftrat hesum átta aðalstjórunum kemur løgmansstjórin, John Rajani.