Hjartað flytur við

Tey hava havt úr at gera í Klaksvíkar Róðrarfelag síðsta mánaðin. Gamla neystið hevði tænt fyri seg, og stolta felagið er fari í nýtt stásiligt heim, sum skal lyfta rógvingina í Klaksvík upp á eitt enn hægri stig.

Vit vóru við, tá gamla neystið varð ruddað og tikið niður í november, og vitjaðu í nýggja neystinum, tá fyrstu venjingarnar vóru beint eftir nýggjár.