Higartil eru 6.323 harur skrásettar

Nú bara fýra dagar eru eftir at skráseta haruveiðuna í Føroyum fyri 2022, er samlaða talið komið upp á 6.323 harur.

Tær eru skrásettar at vera skotnar á 650 túrum í umleið 250 høgum kring landið.

Freistin at skráseta veiðina er sunnukvøldið 15. januar. Tá verður farið undir at skriva frágreiðingina um haruveiðuna í Føroyum í fjør.

Men enn eru nógvir hagar eftir, har einki er skrásett, boðar heimasíðan Haran.fo frá.

Heitt verður tí á harumenn um at skráseta veiðuna á heimasíðuni, áðrenn freistin er farin.