Tríggir danskir ráðharrar vitja Zelenskyj

Mette Frederiksen, forsætisráðharri, Lars Løkke Rasmussen, uttanríkisráðharri, og Jakob Ellemann-Jensen, verjumálaráðharri, hava vitjað ukrainska forsætisráðharran, Volodymyr Zelenskyj, í dag.

Donsku ráðharrarnir hittu ukrainska forsætisráðharran í býnum Mykolajiv, sum er vinarbýur hjá Danmark.

Mykolajiv var ein av fyrstu býunum, sum Russland leyp á, tá innrásin byrjaði í februar í fjør.

Zelenskyj og Mette Frederiksen

Zelensky, forsætisráðharri, og Mette Frederiksen, forsætisráðharri. (Mynd: Ritzau Scanpix)

Zelenskyj skrivar á boðtænastuni Telegram, at tey hava m.a. vitjað eitt sjúkrahús.

- Saman við Mette Frederiksen vitjaðu vit særdar ukrainar á einum sjúkahúsi í Mykolajiv, skrivar Zelenskyj.

Tey hava eisini vitjað eina kornsilo og ein umsitingarbygning, sum var lagdur í oyði í einum bumbuálopi.

Fyri kríggið búðu umleið ein hálv millión fólk í Mykolajiv, og hildið verður, at 230.000 fólk framvegis eru í býnum.

Hini eru flýdd ella deyð í krígnum. 

Sí videobrot frá AP-tíðindastovuni her: