Skulu hava 800 undirskriftir fyri at stilla upp

Sjálvstýri ætlar at koma afturíaftur á landspolitiska pallinum og fer eisini at stilla upp til næsta kommunuval

Sjálvstýri misti umboðanina í løgtinginum á løgtingsvalinum í desember. Nú verður farið at savna undirskriftir, so flokkurin aftur kann stilla upp.

Mynd: Bjarni Árting Rubeksen

Kári Mikkelsen

08.02.2023 - 17:59

Sjálvstýri skal hava í minsta lagi 800 undirskriftir fyri at stilla upp til løgtingsval.

Sjálvstýri misti tingsessin á løgtingsvalinum í desember, men á aðalfundinum hjá Norðoya sjálvstýrisfelag 21.februar verður farið undir at savna undirskriftir fyri at fáa Sjálvstýri endurstovnaðan sum flokk.

Sámal Petur í Grund, Løgtingsvalið 2022, Sjálvstýri tíðindafund

Sámal Petur í Grund er formaður í Sjálvstýri. (Mynd: Bjarni Árting Rubeksen)

Sámal Petur í Grund, formaður í Sjálvstýri, sigur soleiðis um orsøkirnar til, at flokkurin fer at royna at gera seg galdandi aftur í føroyskum politikki:

08022023_Samal_Petur

Sámal Petur í Grund ivast ikki í, at tað fer at eydnast at savna neyðugu undirskriftirnar fyri at stilla upp. Ætlanin er eisini at stilla upp næsta kommunuval.